Þekkingarnet Austurlands

 Lífsvefurinn er nám fyrir konur sem vilja læra að þekkja sjálfar sig betur og ná að vefa hinn margþætta vef lífsins á markvissan hátt í einkalífi og starfi.  Þetta nám hentar afar vel fyrir konur sem í störfum sínum styðja við aðrar konur. Markmiðin eru m.a. að: læra að þekkja og virða sjálfa sig; læra að greina og vinna úr því sem er erfitt og setja sér raunhæf markmið;  læra leiðir til skapandi samskipta;  styrkja jákvæða kvenímynd/sjálfsmynd sína;  og þekkja sögu sína, lífsgildi, lífstilgang, rétt sinn og skyldur.

Námskeiðið Máttur kvenna verður nú kennt í ellefta sinn í fjarnámi og hefst það með vinnuhelgi á Bifröst dagana 26.-27. febrúar.

Á fjórða hundrað kvenna hafa lokið þessu námi og hefur það verið mörgum konum hvatning til áframhaldandi náms og nýrra áskorana.Á sama tíma hefst Máttur kvenna II sem ætlað er konum sem hafa lokið fyrra námskeiðinu og þyrstir í viðbót.

Í september hófst námskeiðið Fjölvirkjar í fiskvinnslu. Tildrög námskeiðsins má rekja til verkefnisins Nýrra leiða en tilgangur þess er að styrkja fólk á vinnumarkaði með stutta formlega menntun. Hönnun námskeiðsins var unnin í samvinnu Þekkingarnetsins, Skinneyjar-Þinganess og FAS.

Umhverfisstofnun auglýsir námskeið í landvörslu. Þátttaka í námskeiðinu veitir landvarðaréttindi. Námskeiðið er 110 tímar og gjald kr. 120.000.

Námskeiðið hefst 18. febrúar og lýkur 21. mars n.k. Kennt er um helgar, milli 10 og 18, og á kvöldin á virkum dögum, milli 17 og 22. Einnig er fimm daga vettvangs- og verkefnaferð. Nánari dagskrá námskeiðsins má finna á vef umhverfisstofnunar www.ust.is