Þekkingarnet Austurlands

Nám við Símenntun Háskólans á Akureyri

Miðvikudagur, 28 Júlí 2010 15:38

Símenntun Háskólans á Akureyri býður upp á eftirfarandi námsbrautir samhliða vinnu á haustönn 2010.

Stjórnun og forysta í ferðaþjónustu - hefst í október og lýkur í febrúar - kennt 1-1,5 daga í mánuði (ekki kennt í desember)
Verkefnastjórnun - leiðtogaþjálfun - 24 ECTS nám á grunnstigi háskóla. Kennt verður tvö vikutímabil á haust- og vormisserum en verkefnavinna og tölvusamskipti þess á milli.
Markaðssetning vöru og þjónustu - Kennt eitt síðdegi í viku á haustmisseri, einnig í boði í fjarkennslu.

Nánari upplýsingar er að finna á heimasíðu Símenntunar

Tækifæri fyrir ungt fólk (undir 35) - Ritgerðasamkeppni

Miðvikudagur, 28 Júlí 2010 09:15

Drucker Society of Austria stendur fyrir ritgerðasamkeppni fyrir ungt fólk. Höfundum bestu ritgerðanna verður boðið að taka þátt í ráðstefnunni "2010 Peter Drucker Management Forum - "Managing in the Next Society" sem fram fer í Vín í Austurríki í nóvember. Dagskrá ráðstefnunnar má nálgast hér

Skilafrestur ritgerða er 15.ágúst.

Nánari upplýsingar um keppnina eru á slóðinni: http://www.druckerchallenge.org/

Hljóðbók Önnu á Hesteyri

Fimmtudagur, 01 Júlí 2010 09:02

Nú er hljóðbók Önnu á Hesteyri loks fáanleg á gogoyoko. Hljóðbókin er í hljómfögrum upplestri Þórunnar Hjartardóttur, ásamt kraftmiklum innskotum með rödd Önnu Mörtu heitinnar, þar sem hún fer með vísur og segir frá mikilverðum atburðum í lífi sínu.

Hljóðbókin var gefin út árið 2009 af fyrirtækinu Sagnabrunni ehf, sem er í eigu höfundar, Rannveigar Þórhallsdóttur.

Á gogoyoko er tónlist innlendra sem erlendra listamanna til sölu. Bæði er hægt að streyma tónlist og hljóðbókum frítt til kynningar sem og versla þær á heimasíðunnar. Aðstandendur heimasíðunnar hafa fengið mikið lof fyrir nýstárlega viðskiptahugmynd og áhugaverða kynningu á íslenskri framleiðslu. Víst er að heimasíðan getur verið mörgum íslenskum listamönnum varða á leið til heimsfrægðar, þó að áhangendur ævisögu Önnu á Hesteyri sé líklegast einungis að finna á mælendum íslenskrar tungu.

Slóðin er:

http://www.gogoyoko.com

Verkefnastjórnun í fjarnámi frá Opna Háskólanum

Föstudagur, 25 Júní 2010 11:22

Opni háskólinn býður upp á hagnýta námsbraut í verkefnastjórnun í fjarnámi. Námið hentar einstaklingum sem fást við eða hafa áhuga á verkefnastjórnun, hvort heldur sem er stór eða smá verkefni. Námið hentar einnig þeim sem stýra minni fyrirtækjum eða framleiðslueiningum innan fyrirtækja.

Nánari upplýsingar og skráning hér.

Skókassasirkus á Austurlandi

Fimmtudagur, 24 Júní 2010 12:24

Skókassasirkusinn er á Austurlandi um helgina með frumlega lifandi tónlist, listrænt krefjandi sýningu á nútímasirkus og tilraunakenndar hugmyndir sirkuslistafólks. Frábær skemmtun fyrir alla fjölskylduna.