Þekkingarnet Austurlands

Starfsfólk í leikskólum útskrifast af námskeiði

Mánudagur, 28 September 2009 16:09

Mánudaginn 28.september lauk 70 kennslustunda námskeiði sem haldið var fyrir starfsfólk í leikskólum. Námskeiðið var haldið á Reyðarfirði, alls voru 23 þátttakendur skráðir á námskeiðið og luku 19 þeirra öllu námskeiðinu.

Markmið námskeiðsins var að efla þátttakendur til að takast á við helstu viðfangsefni almennra starfa í leikskólum,styrkja faglega hæfni og jákvæð viðhorf til starfsins og eigin færni.

Námskeiðið er unnið eftir námskrá Fræðslumiðstöðvar atvinnulífsins og er um að ræða samstarfsverkefni Sveitarfélagsins Fjarðabyggðar og Þekkingarnets Austurlands.

Námskeið í verkefnastjórnun

Miðvikudagur, 23 September 2009 13:13
Starfsmennt býður félagsmönnum sínum upp á 24ja stunda námskeið í verkefnastjórnun án endurgjalds. Námskeiðið er opið öðrum og fer fram í gegnum fjarfundabúnað á Egilsstöðum. Lágmarksþátttaka á hverjum fjarfundarstað eru 4 nemendur. Sjá frekari lýsingu hér.

ÞNA tekur þátt í vísindavöku RANNÍS

Þriðjudagur, 22 September 2009 12:12

Vísindavaka RANNÍS verður haldin föstudaginn 25.september kl. 17:00 - 22:00 í Listasafni Reykjavíkur. Markmið Vísindavökunnar er að kynna fólkið bak við rannsóknirnar og vekja athygli á fjölbreytni og mikilvægi vísindastarfs í landinu. Þekkingarnet Austurlands tekur þátt í Vísindavöku í þetta skiptið og verður með kynningu á rannsóknatækifærum á Austurlandi. Skarphéðinn Þórisson ætlar að fara með sem fulltrúi vísindamanna á Austurlandi. Hann mun kynna rannsókn sína á ferðum hreindýra en hann hefur sett staðsetningartæki á nokkur hreindýr og skrásetur ferðalög þeirra.

Þrjú námskeið í fötlunarfræðum

Þriðjudagur, 22 September 2009 09:42
Endurmenntun í samstarfi við Námsbraut í fötlunarfræðum við Háskóla Íslands býður upp á þrjú námskeið í fötlunarfræðum í vetur.
Lesa meira...

Máttur kvenna á Bifröst

Miðvikudagur, 02 September 2009 11:02

Máttur kvenna er 11 vikna fjarnám fyrir konur sem vilja bæta rekstrarþekkingu sína og efla tengslanetið.

Enn er tekið við skráningu á námskeiðið sem í haust er kennt í 10.sinn og hefst með vinnuhelgi á Bifröst 11.-12.september. Engar forkröfur eru gerðar um fyrra nám.

Námskeiðið kostar 75.000 krónur. Innifalið í gjaldinu er öll kennsla, námsbækur, gisting og fæði á tveimur vinnuhelgum. Fræðslusjóðir flestra stéttarfélaga styrkja sína félagsmenn til námsins auk þess sem vinnumálastofnun hefur tekið þátt í kostnaði fyrir atvinnuleitendur.

Hér er hægt að fá nánari upplýsingar um námið og skrá þátttöku.

Fleiri greinar...