|
Fjölvirkjar í fiskvinnslu - Hornafirði |
 |
 |
 |
|
Fimmtudagur, 29 Apríl 2010 09:27 |
|
Síðast liðinn þriðjudag útskrifuðust 13 lykilstarfsmenn Skinneyjar Þinganess úr 170 stunda námi sem bar yfirskriftina Fjölvirkjar í fiskvinnslu.
Námið hefur staðið yfir í allan vetur og voru námsþættirnir annars vegar lagaðir að þörfum fyrirtækisins um fagmennsku í matvælaiðnaði og hins vegar var markmið að efla persónulega og faglega hæfni starfsmannanna. Í náminu var m.a. fjallað um samvinnu og liðsheild, matvælaöryggi og meðhöndlun hráefnis, markaðs- og öryggismál og stefnumótun og stjórnun svo eitthvað sé nefnt. Þáttakendur unnu einnig fjögur hópverkefni sem miðuðu að umbótum innan fyrirtækisins og kynntu þeir verkefnin á útskriftardeginum.Eitt verkefnið fjallaði um að nýta betur lífrænan úrgang, annað um að flokka og endurnýta sorp og draga með því úr kostnaði við sorpurðun, þriðja verkefnið fjallaði um aðkomu fyrirtækisins í heimamarkaðnum og loks var unnið myndefni sem nýtist við að kynna starfsemi fiskvinnslunnar fyrir gestum þess.
Fjölvirkjanámið er liður í mótvægisaðgerðaverkefni menntamálaráðuneytisins leiddu af Nýsköpunarmiðstöð á Hornafirði en Þekkingarnet Austurlands, Framhaldsskólinn í Austur Skaftafellssýslu og Skinney Þinganes sáu um skipulag og framkvæmd námsins. Í framhaldi af þessari samvinnu hefur verið unnið að undirbúningi námsbrautar í matvælagreinum og fiskiðnaði við FAS. |
|
|
Friðlýstar fornminjar á Héraði |
|
|
|
|
Miðvikudagur, 28 Apríl 2010 19:21 |
|
Næstkomandi föstudag (30.apríl) mun Inga Sóley Kristjönudóttir flytja framsögu í málstofu á Vonarlandi undir heitinu "Friðlýstar fornminjar á Héraði". Málstofan verður haldin í miðrými neðri hæðar í A-húsi á Vonarlandi og stendur frá 15:00 - 16:00. |
|
Miðvikudagur, 28 Apríl 2010 17:14 |
|
Þekkingarnet Austurlands í samstarfi við IÐUNA, Verkmenntaskóla Austurlands og Fræðslumiðstöð atvinnulífsins bjóða upp á raunfærnimat í helstu iðngreinum. Lögð verður áhersla á iðngreinar sem kenndar eru við Verkmenntaskóla Austurlands þ.e. vélvirkjun, húsasmíði og rafvirkjun. Auk þess verður boðið upp á raunfærnimat í öðrum iðngreinum sé óskað eftir því en þá þurfa þátttakendur að ljúka námi í öðrum verknámsskóla.
Raunfærnimat gengur út á að meta færni og reynslu þátttakenda til styttingar náms í viðkomandi iðngrein. Þátttakendur þurfa að hafa starfað að minnsta kosti í 5 ár í faginu.
Áhugasömum er bent á að hafa samband við náms- og starfsráðgjafa ÞNA: Einar Svein Árnason í síma 8440032 (
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
), Ragnhildi Jónsdóttur á Hornafirði (
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
) eða Emil Björnsson (
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
) .
Nánari upplýsingar er að finna á heimasíðu Fræðslumiðstöðvar atvinnulífsins www.frae.is
Frestur til að skrá sig í raunfærnimat í vor er til 6.maí n.k. |
|
Þriðjudagur, 27 Apríl 2010 16:21 |
|
ÞNA auglýsir tvö laus störf, verkefnastjóra í 100% starf á Reyðarfirði og verkefnastjóra í rannsóknar- og þróunarverkefni á Vopnafirði í 100% starf, tímabundið í þrjá mánuði með möguleika á framtíðarráðningu. Umsóknarfrestur um báðar stöðurnar rennur út 30. apríl.
Nánari upplýsingar um stöðurnar:
|
|
Lesa meira...
|
|
Tínsla og meðhöndlun íslenskra lækningajurta í fjarfundi |
|
|
|
|
Föstudagur, 23 Apríl 2010 15:43 |
|
Anna Rósa Róbertsdóttir grasalæknir fjallar um grasalækningar og íslenskar lækningajurtir. Námskeiðið stendur yfir eina kvöldstund þann 29. apríl kl, 20:15. Nú þegar er ákveðið að námskeiðið verður sent út til Hornafjarðar og Neskaupstaðar. Fleiri staðir opnast eftir því sem skráningar berast. Sjá nánar hér |
|
|
|
|
|
|
Síða 7 af 32 |
Fréttir frá ÞNA 
