Þekkingarnet Austurlands

Sterkari starfsmaður-útskrift

Föstudagur, 16 Apríl 2010 14:54

Föstudaginn 16. apríl var útskrift af námskeiðinu Sterkari starfsmaður sem haldið var á Egilsstöðum. Námskeiðið er 150 kennslustundir þar sem aðal áhersla er lögð á að þátttakendur efli sjálfstraust sitt og lífsleikni ásamt því að auka færni sína í tölvunotkun. Frábær hópur þar sem allir tóku virkan þátt í því sem fram fór hverju sinni. Á myndinni er 8 útskriftarnemar en alls luku 11 einstaklingar þessu námskeiði.

Rannsóknanámssjóður Austurlands

Þriðjudagur, 13 Apríl 2010 16:48

Rannsóknanámssjóður Austurlands hefur verið stofnaður með framlagi frá Vaxtarsamningi Austurlands. Markmið sjóðsins er að efla fræðastarf á Austurlandi með því að auðvelda nemendum að vinna skólaverkefni í samstarfi við stofnanir og fyrirtæki fjórðungsins. Styrkur er veittur samkvæmt kvittunum fyrir útlögðum kostnaði allt að 100.000 kr. eftir stærð verkefnis. Með umsókn þarf að fylgja staðfesting á verkefninu frá skóla og samstarfsaðila. Umsóknarfrestur er til 15.júní.

Nánari upplýsingar veitir Guðrún Jónsdóttir ( Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. ) í síma: 477 1838. Umsóknareyðublað er að finna á www.rannsoknatorg.is

Útskrift á Reyðarfirði

Mánudagur, 12 Apríl 2010 16:23

Föstudaginn 9. apríl lauk námskeiðinu Handverks-fjölvirkjar sem haldið var á Reyðarfiðri. Á námskeiðinu var áhersla lögð á þjálfun í handverksgreinunum, fatasaumi, silfursmíði og prjóni en einnig var töluverðum tíma varið í sjálfstyrkingu og samskipti.

12 konur hófu nám en 8 luku öllu námskeiðinu og þökkum við þeim öllum kærlega fyrir þátttökuna.

Námskeið í ræktun mat- og kryddjurta

Mánudagur, 12 Apríl 2010 10:16

Laugardaginn 17.apríl kl: 10-13 í Þórsmörk - Listasmiðju Norðfjarðar

Á námskeiðinu verður fjallað um staðsetningu, mótun og uppbyggingu nytjajurtagarðsins. Farið verður í gegnum ræktun einstakra tegunda mat- og kryddjurta og hvernig uppskera megi ferskt salat allt sumarið. Einnig verður fjallað um sáningu, forræktun og gróðursetningu, skiptiræktun og áburðargjöf , vörn gegn skaðvöldum matjurta, geymsluaðferðir og nýtingu uppskerunnar.

Verð: 4700 kr. - Námsgögn innifalin.

Upplýsingar veitir Anna Bjarnadóttir, garðyrkjufræðingur í síma: 8921958

Námskeið í Þórsmörk - Listasmiðju Norðfjarðar

Mánudagur, 12 Apríl 2010 10:03

Á þriðjudögum býður Listasmiðja Norðfjarðar í Þórsmörk upp á 3 klst námskeið í þæfingu. Þátttökugjald er 3000 kr. og er allt efni innifalið í verðinu. (Þátttakendur þurfa þó að taka með sér handklæði).

Kennt verður þriðjudagana 13., 20., 27. apríl og 4.maí. kl: 18-21

Eftir það getur fólk mætt á mánudögum kl. 18-21 í Þórsmörk og unnið sjálfstætt. Hægt er að kaupa ull á staðnum.

Nánari upplýsingar veita Thea (s.848 1990) og Anna (892 1958).

Fleiri greinar...