Þekkingarnet Austurlands

Símenntun fólks á vinnumarkaði felst í síauknum mæli í námi á háskólastigi, námi sem er sniðið að þörfum vinnandi fólks bæði í þéttbýli og dreifbýli.  Til að bregðast við þessum þörfum atvinnulífsins hafa löndin í kringum okkur þróað sérstaka umgjörð utan um dreifnám sem kallast oftast Netháskóli eða opinn háskóli.  Þessi umgjörð samanstendur af tækni á borð við vefgagnagrunna um nám og öflugt fjarkennsluumhverfi og nærþjónustu í námsverum.

Þekkingarnet Austurlands er verkefnisstjóri í verkefni um Netháskóla sem styrkt  er af  Leonardo da Vinci áætlun Evrópusambandsins.  Samstarfsaðilar í verkefninu eru Högskolan i Jönköping (Svíþjóð), University of Highlands and Islands (Skotland), Smartlabrador inc (Kanada), Endurmenntun HÍ, Háskólinn á Akureyri og Háskólinn í Reykjavík.

Markmið verkefnisins eru að:

• Þróa leiðir til að kynna framboð á háskólanámi og leiðir til að laga það að þörfum vinnandi fólks.
• Gera háskólanám aðgengilegt þeim er búa á jaðarsvæðum sem og þeim er kjósa að skipuleggja nám sitt með vinnu.
• Byggja upp vefgátt eða markaðstorg fyrir háskóla til að koma tilboðum sínum um dreifnám á framfæri.
• Skapa samstarfsvettvang fyrir háskóla og símenntunarmiðstöðvar sem þjónusta nemendur í þeirra nærumhverfi.
• Skapa umhverfi fyrir þekkingarsetur á landsbyggðinni til að byggja upp og þróa nám á háskólastigi.
• Þróa aðferðir og stuðning við nemendur í dreifnámi.

Verkefnislok eru áætluð í maí 2010.

Nánari upplýsingar á heimasíðu verkefnisins.