Þekkingarnet Austurlands

Námskeiðið Máttur kvenna verður nú kennt í ellefta sinn í fjarnámi og hefst það með vinnuhelgi á Bifröst dagana 26.-27. febrúar.

Á fjórða hundrað kvenna hafa lokið þessu námi og hefur það verið mörgum konum hvatning til áframhaldandi náms og nýrra áskorana.Á sama tíma hefst Máttur kvenna II sem ætlað er konum sem hafa lokið fyrra námskeiðinu og þyrstir í viðbót.

Velgengni námskeiðanna byggir að miklu leyti á því hversu fjölbreyttur hópur kvenna stundar námið en þær koma úr öllum áttum og hafa ólíkan bakgrunn hvað aldur, menntun og reynslu varðar. Allar eiga þær það sameiginlegt að vilja efla tengslanetið og bæta rekstrarþekkinguna. 

Endilega hvetjið kröftugar konur um allt land til að kynna sér námið á heimasíðunni okkar.

Háskólinn á Bifröst