Þekkingarnet Austurlands

Byggt á aðferðum og gildum þjóðfundarins.

Þekkingarnet Austurlands, Búðareyri 1 Reyðarfirði

Laugardaginn 27.febrúar 2010 kl: 09:30 - 12:00

Út frá þrem stærstu gildum þjóðfundarins 2009 hefur verið myndaður vettvangur á netinu þar sem gefst tækifæri á að ræða brýn þjóðfélagsmál í smáum hópum hvar sem er á landinu undir einföldum og öguðum vinnureglum.  Fyrsta málið sem tekið verður fyrir er Icesavemálið.

Markmiðið er að fá fólk til að hittast í smáum hópum og ræða brýn málefni þannig að allir fái jafnt tækifæri til að koma sínum skoðunum á framfæri eftir tilsettum leikreglum.

Tilgangurinn er að mynda uppbyggilega og agaða umræðu um erfið og tilfinningarík þjóðfélagsmál.

Í lokin kemur hópurinn sér saman um eina setningu sem verður birt á www.thjodarvettvangur.is þar sem allar setningar úr öðrum umræðuhópum verða birtar og aðgengilegar.  Setningarnar munu endurspegla lausnamiðaðar áherslur útfrá umræðuefninu með mið af gildunum þremur: réttlæti, virðingu og heiðarleika.

Nánari upplýsingar um Þjóðarvettvang má finna á www.thjodarvettvangur.is .  Vettvangurinn var formlega opnaður laugardaginn 20.febrúar og verður opinn í eina viku til 27.febrúar.