Þekkingarnet Austurlands

Námskeið sniðin að þínum þörfum!  Þekkingarnet Austurlands býður upp á þjónustu við margskonar námskeið og reynum að koma til móts við þarfir einstaklinga, stofnana og fyrirtækja. Við tökum að okkur að útvega kennara og húsnæði um allt Austurland og getum einnig séð um að auglýsa.

Dæmi um sérsniðin námskeið:

Tölvunámskeið fyrir starfsmannahópa þar sem kennt er á ákveðið efni s.s. Office 2007

Starfstengd námskeið af ýmsum toga, má t.d. nefna námskeiðið Ferðaleiðir á Austurlandi sem sniðið er að þörfum aðila í ferðaþjónustu og námskeið fyrir ófaglært starfsfólk i leikskólum.

Tómstundanámskeið fyrir ákveðna hópa, ef nokkrir taka sig saman þá getum við séð um að útvega kennara og aðstöðu fyrir tómstundanámskeið af margvíslegum toga, prjón, vélsaumur, trésmíði, útskuður, fluguhnýtingar, hönnun, skapandi skrif, bragfræði, myndlist og fleira og fleira.

Hringdu í okkur eða sendu okkur póst ef þú lumar á góðri hugmynd sem þig langar að koma á framfæri.