Þekkingarnet Austurlands

Við flesta íslenska háskóla er boðið upp á fjarnám af einhverju tagi.  Kennsluaðferðir eru samkvæmt ákvörðun skóla hverju sinni.  Sumar námsbrautir gera ráð fyrir að nemendur stundi námið eingöngu í gegnum tölvubúnað, aðrar gera ráð fyrir notkun á myndfundabúnaði.  Sumar námsbrautir gera þá kröfu til nemenda að þeir mæti í námslotur meðan aðrar gera minni kröfur um slíkt.  Nám er í vissum tilfellum háð því að ákveðinn fjöldi náist í námshópa og ræðst þá staðsetning af myndfundabúnaði og nemendahópi.

ÞNA kynnir fjarnám á háskólastigi, veitir fjarnemum þjónustu í námsverum þar sem eru myndfundabúnaðir, tölvutengingar og umsjón með próftöku.  ÞNA veitir jafnframt ráðgjöf og upplýsingar til verðandi fjarnema og nemenda í námi.  Námsráðgjöf er einnig veitt hjá öllum háskólunum.

Hér á síðunni er yfirlit yfir fjarnám sem er reglulega í boði við íslenska háskóla.  Athugið að ekki eru allar námsbrautir í boði árlega.  Þá geta fjöldatakmarkanir, kröfur um fjölda nemenda í hóp og fleira haft áhrif á það hvar mögulegt er að stunda námið.